أمثلة وجبات كيتو دايت

ازاي احسب يومي في الكيتو ؟

لو انت قررت انك متستخدمش البرامج عشان تحسب كل وجبة أكلتها فيها سعرات قد ايه احنا قررنا نسهل عليك و نساعدك و نديك وجبات جاهزة محسوبة السعرات بس خــــــلي بالك

الوجبات دي محسوبة على 1500 سعر حراري و 120  جم دهون (فات) و 90 جرام بروتين

طب ازاي اقدر اخد من الوجبات دي الي يناسبني ؟؟

هتلاقي كل صورة متقسمة 3 وجبات و كل وجبة ليها سعرات حرارية معينة


مثــــــــــال 

المثال ده بيوضح ان مثلا الفطار عبارة عن اتنين بيضة + 30 جرام سمنة بلدي (حوالي معلقتين) + 30 جرام شيدر (شريحة كبيرة) أو  موتزريلا  30 جرام ( حوالي معلقتين) + خس او جرجير


--------------------------------------------------------------------
+ بولت بروف (ابتدينا نتكلم هيروغليفي )

البولت بروف هو مشروب بتستخدمه لما تكون مش قادر تاكل و مش عارف تكمل نسبة الدهون بتاعتك من الأكل فبتشرب مشروب ممكن يكون عبارة عن

نسكافيه او قهوة او كاكاو او اي خليط يعجبك منهم
+ زبدة (متقولش يع.. عشان طعمه هيعجبك في الاخر و شكلك هيبقا وحش)

---------------------------------------------------------------------------

المهم ان كدا الفطار بتاعنا و هتلاقي في خانة ال Breakfast مكتوب فيه ان الفطار هو عبارة عن 569 سعر حراري و 52.5 جم فات و 21.26 جم بروتين و 2.6 نت كارب

و احنا بنحسب الكارب بتاعنا على حاجة اسمها النت كارب مش الكارب و هو عبارة عن الكارب- الألياف= النت كارب (المفروض يكون في حدود 25 جرام في اليوم بالكتير




طيب زي مقولنا ان الايام الي هتنزل دي كلها في حدود 1500 سعر حراري

و هنفرض ان احنا عاوزين 1100 سعر بس يبقا هنعمل ايه هناخد وجبة الافطار الي قولناها من شوية و هي عبارة عن 596 سعر حراري يبقا احنا كدا فاضلنا وجبة 506 سعر حراري او ما يقاربها


مع الوقت هتبدأ تتعود على اكلك من غير حسابات ولا جداول ولا اي شئ و لكن نصيحة في بعض الوجبات الي هتحتاج منك اشياء جانبية عشان تكمل نسبة دهونك زي وجبات الأسماك مثلا

السمك مفيهوش دهون كتير - ساعتها لازم تاكل طبق سلطة عليه معلقة او اتنين زيت زيتون او يكون جنبه طبق طحينة او تاخد بعد الوجبة بولت بروف عشان تكمل نسبة دهونك


و في النهاية لو في اي سوال سيبه في التعليقات و اكيد هيسعدنا نرد عليك



وجبــــــــــــات كيتو 1500 سعر حراري من هنـــــــــــــــــــــــا